Leikur á morgun

Þá er komið að þriðja leik Grettismanna og verður hann spilaður kl. 21 á Leiknisvellinum. Andstæðingarnir eru ÍK, Kópavogsbúar sem hafa spilað saman í nokkur ár með misgóðu gengi. Eftir sætan sigur á Mývetningum í fyrstu umferð fengu þeir skell í annari umferð er þeir töpuðu með fimm á móti Premier FC.
Miðað við allt og allt er þetta lið sem verður í neðri hlutanum í þessum riðli í sumar en þó varhugavert að vanmeta lið út frá fyrstu leikjunum. Það er jú vani liða í Carlsbergdeildinni að taka stakkaskiptum þegar líður á tímabilið.
Hópurinn hjá okkur ætti að verða nokkuð óbreyttur fyrir utan það að Sölvi, maður leiksins að mati lesenda, verður fjarri góðu gamni.

Sjáumst sprækir á morgun og mætum tilbúnir.